【本報訊】政府與兩間巴士公司服務合同將於10月31日到期，運輸工務司司長羅立文指現時是與巴士公司商討合同的時間，不方便透露任何具體資訊，只稱雙方是有不太共同的看法。至於政府傾向與兩間巴士公司續約還是重新競投，羅立文只稱：“傾緊，乜嘢都係傾緊”。

羅立文列席立法會土地及公共批給事務跟進委員會會議後接受傳媒訪問時表示，會上主要是聽取議員對巴士服務批給的意見，現正收集意見。

被問到巴士服務合同商討進度，以及政府傾向巴士合同的模式，羅立文則稱：“你哋唔好問咁多嘢，因為我唔會答，傾緊嘅過程覺得係唔適合講咁多嘢，你哋比個時間我哋傾，我哋都係傾緊。起碼我可以講一樣嘢，如果呢樣嘢係簡單，我哋一早已經傾掂曬，如果到今日都未傾掂，呢樣嘢唔係簡單，唔係有一個共同嘅睇法，所以就需要時間”，故他不回應具體問題，亦沒有回應商討過程中遇到的難處。

至於能否於巴士服務合同到期前完成商討，政府對巴士經營合作模式有否新思維？羅立文亦只稱：“傾唔傾得掂，第日一邊行一邊睇，我唔知！第二，一定有一啲唔同嘅睇法，如果冇一啲唔同嘅睇法，就照簽。”

另外，有的士團體提出希望的士收費整體調升15%的建議，交通局表示暫時未收到相關方案，羅立文表示“我連聽都未聽過，幾時有我哋一定會研究”。至於的士安裝錄音錄影設備的進展，他只稱仍然“睇緊”招標文件，未開標；被問到時間是否緊迫，他則笑稱：“我哋乜嘢都係緊迫，有乜唔緊迫？乜嘢都緊迫，你哋成日都追債咁追”。他又指現屆政府內的士有加價，政府持開放態度，收到建議後會作研究。至於“新的士法”成效，交通局局長林衍新表示明日交諮會後會作回應。